Sheekadii guusha ee Morgan Freeman
Sababta dad badani uga aaminsan yihiin fikir qaldan guushu waa iyagoo arka uun natiijada ugu dambaysa ee shaqo adag oo uu qof soo qabtay, isla markaana umaleeya inay nasiib ahayd. Wali ma maqashay sheekada nin la yidhaa Morgan Freeman.
Haddii aad waxbadan daawato filimada hollywood-ka waxa laga yaabaa inaad
ogtahay inuu ka mid yahay aktarada hollywoodka loogu tixgalinta badan yahay,
ee ku guulaystay marar badan bilada filimada ee loo yaqaano ( Oscar prize).
Taasi waa waxay dhab ahaan ka yaqaanaan dadku agteerkan, balse wax fikrad
ah maka haysataa halgankii uu soo maray ka hor inta aanu noqon akteer caan
ah oo guulo waawayn gaadhay.
Sheekadii Morgan Freeman
Morgan freeman wuxuu ku dhashay dalka maraykanka taariikhdu markay
ahayd 1937, waqtigaasi oo ku beegnaa waqtigii midab takoor lagu hayay dadka
madoobi uu aad u xooganaa. Iyadooy ay ugu wacan tahay dhibaatadan iyo
cadaaadiskaa midab takoorka, qoyskiisii waxay go'aansadeen inay u guuraan
meel kale si ay u helaan nolol ka fiican ta waqtiga ka jirtay dalkooda.
Morgan wuxuu jeclaa inuu noqdo aktar, lacagtiisa iyo waqtigiisa inta ugu
badana wuxuu ku bixin jiray si uu u daawado aflaamta. Marar badan waxa uu
isku dayay inuu noqdo aktar balse kumuu guulaysan. Waqti aad u dheer
kadibna wuxuu is arkay isagoo duuliye ama pilot ka ah diyaaradaha milateriga.
Waqti kadib Morgan wuxuu xaqiiqsaday in mihnada uu dhab ahaan u
jecelyahay ay tahay akteernimada, waxaanu go'aansaday inuu daba socdo oo
aanu ka hadhin sidii uu actar u noqon lahaa. Morgan da'diisii waxay gaadhay
45 jir isagoon wax guul weyn ah gaadhin. Laakiin muu niyad jabi wuxuu sii
wado iskudaygiiba, wuxuu guulaystay markay da'diisu gaadhay 50 jir ilaa uu
kama dambaystii matalay filimada caanka.
Markay da'diisu noqotay 67 jir Morgan Freeman wuxuu ku guulaystay bilada
aflaamta kadib jilidiisii loo wada bogay ee filimkii la magac baxay "Million dollar
baby"
Casharada laga bartay noloshii Morgan Freeman.
1) Waxaad u malaynaysaa inaad ka habsaantay xiligaad riyooyinkaaga
eryan lahayd? Wuxuu guul gaadhay markay da'diisu noqotay 67 sano
jir: ma u malaynaysaa inaad da'a waynaatay? Morgan freeman wuxuu
bilaabay inuu guulaysto markii ay da'diisu noqotay 50 jir. Haddii aad u
jeelantahay oo aad jeceshahay inaad ku guulaysato wax, wali maad
habsaamin.
2) Ma Nasiibaa ? mise waa Adkaysi ?: qofku si uu guul u gaadho waa inuu
la kulmaa guul darooyin badan. Morgan Freeman wuxuu guuldaraystay
marar badan ilaa ay da'diisu gaadhay 40 jir isagoon wax guul ah gaadhin,
balse maadaama oo uu ah qof aad u adkaysi badan wuxuu maareeyay
inuu ku guulaysto riyadiisii markuu 50 jir gaadhay. Dhinaca kale arintani
nasiib ma'aha balse waa ku celcelin badan ilaa aad ka gaadhayso waxa
aad rabto.
3) Raac Oo ka shaqee waxa aad jeceshahay: kuma lihi kuma guulaysan
kartid shay haddii aanad jeclayn balse dhab ahaan waxay noqon doontaa
mid aad kuugu fudud inaad ku guulaysato waxaad jeceshahay marka la
barbardhigo ku guulaysiga wax aad neceb tahay.
Hel waxa aad jeceshahay inaad qabato oo raac, haddii aad saa samayso fursadaha aad
ku guulaysanayaan waxay noqonayaan qaar aad u heersareeya.
Sheekadii Ramesh Babu
Ramesh waa nin reer india ah oo milyaneer ah, kaasi oo leh shirkad kiraysa
baabuurta oo ay baabuurtiisu gaadhayaan 300 boqol oo gaadhi.
Haddii aanad fikir iyo aaminsanaan fiican ka haysan guusha waxa laga
yaabaa inaad u malayso in Ramesh uu ahaa qof nasiib leh ama qof ay ku
caawiyeen qoyskiisu inuu aasaaso ganacsigaa, balse xaqiiq ahaa Ramesh
wuxuu tusaale sax ah oo ku tusaya sida dhiiranaanta iyo go'aanku ay uga
badiyaan waxkasta oo kale.
Ramesh wuxuu ka shaqayn jiray meel raysle ama timo jare ah kaasi oo
adeerkii lahaa, wuxuuna maalinta dhan ku shaqayn jiray 5 rupi oo
waqitagaa ahayd lacag aad u yar. Ramesh wuxuu tagi jiray rayslaha
aroortii,waxbarashada oo uu college ka dhigan jirayna wuxuu tagi jiray
casarkii, intaa kadibna wuxuu ku noqon jiray rayslaha waxaanu ka shaqayn
jiray ilaa kowda habeenimo.
Ramesh wuxuu saddexda waqti ee wax la cuno wax cuni jiray hal waqti oo
kaliya si uu u noolaado, sababtoo ah muu heli jirin lacag ku filan oo uu ku
iibsado cunto kale.
Maalin maalmaha kamid ah ayuu Ramesh isku darka lacagtii uu
kaydsanayay iyo lacag uu soo amaahdayba qaaday oo uu ku iibsaday
gaadhi. Ramesh wuxuu bilaabay inuu kireeyo baabuurtii si uu lacag uga
sameeyo oo ay lacagi uga soo gasho.
Wax yar kadib wuxuu yeeshay lix gaadhi oo uu kireeyo waxaanu wax badan
xidhiidh la yeeshay xaga ganacsiga kiraynta. 2004 wuxuu bilaabay inuu
iibsado gaadhi nooca lagu raaxaysto ah oo uu ka kireeyo dadka. Waqtigaa
dadku may kiraysan jirin gawaadhiga lagu raaxaysto, qofkastaana wuxuu u
sheegay inuu qalad weyn sameeyay.
Ramesh wuxuu u cadeeyay dadkii inuu isagu saxsanaa, ganacsigiisiina wuu
sii koray. Markuu waqtigu ahaa 2011 wuxuu bilaabay inuu ku soo daro
ganacsigiisii oo uu soo iibsado gawaadhida loo yaqaano Rolls Royce, mar
labaad dadkii waxay u sheegeen inuu qalad aad u weyn samaynayo.
Ramesh mar labaad wuu saxsanaa. Wuxuuna noqday milyaneer
gawaadhidiisuna waxay gaadheen in ka badan 300 oo baabuur noloshiisiina
gabi ahaanba way isbadashay.
Casharada laga baranayo sheekadan Ramesh
1) Noloshu way adagtahay, sida awgeed maxaa kula gudboon?: hadaba
ma umalaynaysaa inaanad ganacsi bilaabi karin sababtoo ah wax lacag
ah ma haysatid, ama sababtoo ah wax waqtiya mahaysatid. Ramesh
wuxuu wax baranayay maalinta oo dhan, maalintii wuxuu helayay lacag
5 rupe ah. Waxaad haysataaa wax ka badan inta uu haystay Ramesh,
haddii aad umalaynayso inay noloshaadu adagtahayna waxaad ogaataa
in dadkii noloshoodu kaa sii xumayd ay sameeyeen oo gaadheen guul.
2) Badanaa waxaa jiri doona qof ku niyad jabiya oo hoos kuu dhiga: ka
hor intii aanu qaadin labadii talaabee ugu muhiimsanaa mihnadiisa,
dadku waxay u sheegeen inuu ku socdo jiho qaldan balse muu
dhagaysan dadkaa. Tana waa waxa saxda ah ee ay dadka guusha
gaadhaa sameeyaan. Waxay raacaan riyooyinkooga iyo waxay gaadh
isleeyihiin xataa haday dad badani isku dayayaan inay ka joojiyaan.
3) Dib u dhacyo aad u xun: wadadii guusha uu u maray Ramesh may ahayn
mid toosan oo ubaxyo iyo roog cas loo dhigay. Waraysi lala yeeshay mar
ayaa waxa uu sheegay inuu waajahay dib u dhacyo badan tana waa waxa
aad dhab ahaan u waajihi doonto. Waxa ogaataa oo kaliya in dib u
dhacyadu yihiin wax ka mid ah nolosha ganacsadaha.
4) Dadka qaar waxay sameeyaan cudur daaro dadka kalena hore ayay ka
qabtaan: haddii Ramesh aanu waligii guulaysan lahayn, oo uu u
sababayn lahaa guuldaradiisa cudurdaaro, cudur daaradaasi waxay
noqon lahaayeen qaar macquul u ah dad badan. Hadaba waxaasoo dhan
kadib, muxuu samayn karaa qof ku nool xaalada sidan u adagi si uu u
horumariyo noloshiisa? Ramesh wuxuu cadeeyay in go'aan qaadashada
iyo shaqada adagi ay u badali karaan nolol kasta dhinaca fiican.
Sheekadii Guusha Jack Ma (Alibaba.com)
Jack Ma waa muwaadin u dhashay dalka china, kaasi oo ku guuldaraystay inuu
ku biiro college-ka tiraba saddex jeer, ugu dambayntiina wuxuu si dirqiya ku
dhaafay imtixaankii kadib markii uu sameeyay diyaarin iyo dadaal caadiga
dhaafsan.
Wuxuu isku dayay inuu shaqo ka helo maqaaxi cuntada lagu kariyo, laakiin
badankoodii way diideen inay shaqada galiyaan. Kadib markii uu codsiyo badan
oo shaqo ah meelo kala duwan u dirsaday ee loo diiday ayaa wuxuu
go'aansaday inuu shaqo macalinimo raadsado sababtoo ah wuu ku
guuldaraystay inuu shaqo taa dhaanta helo.
Jack Ma wuxuu dhigi jiray luuqada English-ta isagoo qaadan jiray lacag ka yar
10 dollar bishiiba.
Ka hor intii aanu bilaabin dhigista luuqadan, Jack Ma wuxuu aad u jeclaa inuu
horumariyo habka uu ugu hadlayo luuqadan, waxaanu 45 daqiiqo u kaxaysan
jiray baskiishiisa maalin walba Huteel u dhaw oo ay dadka dalxiisayaasha ahi ku
soo dagi jireen si uu ula hadlo luuqadana English-tana iskaga dhiso.
Jack Ma kumuu qanacsanayn shaqadiisa, waxaanu go'aansaday inuu u guuro
dalka maraykanka, si uu u helo nolol ka fiican tii uu ku noolaa. Wuxuu bartay
computer-ka iyo internet-ka aad baanu u jeclaa. Markii dambana wuxuu aasaasay website-ka loo yaqaano ALIBABA.COM kaasi u saamaxay ganacsiyada
iyo shirkadu ay ku kala ganacsadaan iskuna dhaafsadaan alaabta si online ah.
Alibaba wuxuu noqday ninka ugu taajirsan dalka china, hantidiisana maanta
waxaa lagu qiyaasaa 21 billion dollar. Waxaa loo aqoonsaday inuu kamid yahay
25 ganacsade ee ugu awooda badan qaarada eeshiya.
Waayihii iyo Noloshii uu maray Jack Ma
Jack Ma muu haysan wax lacag ah oo uu ku bilaabo ganacsi. Wuxuu ku shaqayn
jiray mushahar aad u yar. Waxaanu si dirqiya ugu biiray oo uu ugu guulaystay
inuu ku biiro machadka tababarka macalimiinta. Intaa waxa dheer in wadanka
shiinuhu aanu waqtigaa ahayn meel ku fiican in lagu noolaado ganacsina laga
bilaabo.
Jack Ma dhaqaalihiisii iyo lacagtuu haystay sanadihiisii ugu horeeyay kamay
badnayn intaad haysato maanta, haddii aanay intaad haysataa kaba
badnaynba. Ninkani wuxuu aad u jeclaa oo kaliya inuu abuuro ganacsi
guulaysta taasina waa sababta uu u raacay riyadiisii aanu u xaqiijiyay.
Hadaba waa maxay cudur-daarada aad maalin walba naftaada u sheegtaa?
Lacag kugu filan mahaysatid? Waxbarasho fiican ma haysatid? Dadka kugu
xeerani kuma dhiirigaliyaan kumana garab istaagaan?
Jack Ma muu haysan qof dhiirigaliya oo cadaadiya balse damacaa xoogan ee ku
gubayay si uu guul u gaadho ayaa ka dhigay ninka uu maanta yahay.
Sheekada aynu ka baranay Jack Ma Story
1) Waa suurto gal: waxaa suurto gal ah inaad ka bilawdo ganacsigaaga
meel aad u hooseeysa oo aad noqoto bilyaneer (maahaba milyaneeer)
Jack Ma wuxuu tusaale fiican u yahay dadka ka soo bilaabay meel ka
hooseysa zero iskuna daray liiska ugu sareeya ee taajiriinta adduunka.
2) Horaa loo samayn karaa: sharci ma'aha balse horaad ugu guulaysan
kartaa. Jack Ma wuxuu gaadhay guul isagoo ku jira da'diisa 30 meeyaha.
3) Marka ay riyadaada iyo hamigaagu weyn yahay, waxyaabaha hoose
kuma dhibi doonaan: Jack Ma wuxuu ku noolaa nolol adag, muu ahayn qof ku nool nolol raaxo leh, muu lahayn gaadhi iyo baan ay lacagi u taalo
toona balse wuxuu u cadeeyay aduunka in haynta iyo dhaqaaluhu aanay
aanay caqabad ku noqon doonin haddii riyadaada iyo hadafyadaadu ay
waaweyn yihiin.
La soco Oo ku xidhnaw Sama-Wade Si aad uga Faaido Waxbadan